ماڵپه‌ڕی كورد و كوردستانی

له‌سه‌ره‌تای وتاردا، ده‌مه‌وێ سوپاس که‌م له‌ ئه‌ده‌ب دۆستانی وڵاته‌که‌مان که ‌ژین و ته‌مه‌نی خۆیان له‌ ڕووێ روشنبێری له‌ پێناو فه‌رهه‌نگ و ئه‌ده‌بیاتی نه‌ته‌وه‌که‌یان به‌خت کردوه‌ وده‌یکه‌ن. ئه‌وه‌ش به‌شێکی گه‌وره‌یه‌ وسه‌رمایه‌یه‌کی گرینگه‌ بۆ ڕوونبونه‌وه‌ی چۆنیه‌تیی ژیانی نه‌ته‌وه‌که‌مان.ئاشکرایه‌ هه‌رنه‌ته‌وه‌یه‌ک ئاگای له‌ فه‌رهه‌نگ و ئاسه‌واری نه‌ته‌وه‌که‌ی نه‌بێ و ئاگاداریی لێ نه‌کا که‌شتیی بوونی له‌ نێو گێژوخولی ده‌ریای کۆماوگه‌لی دنیادا نوقم ده‌بێ.به‌ڵام ئه‌من پێم وایه‌ خۆم له‌م ڕێگه‌دا ئه‌وجۆره‌ی پێویسته‌ و ئاره‌زوومه‌ بۆم نه‌کراوه‌ کارێکی گرینگ بۆ نه‌ته‌وه‌که‌م (کورد) ئه‌نجام ده‌م،بۆیه‌ هه‌ر ئه‌وه‌نده‌ی له‌ ده‌ستم هاتووه‌ به‌ سازدانی ئه‌م ماڵپه‌ره‌ له‌ ڕێگای ناساندنی فه‌رهه‌نگ و ئه‌ده‌بیاتی کوردیدا هه‌نگاو ده‌نێم